經紀之路 by 寧少﹝轉載﹞

引用自：http://hk.myblog.yahoo.com/ccn_chan/article?mid=16381

市況淡靜，講股市不如講八卦野。上D記見到有人想做股票經紀，究竟呢個行頭係點既一回事呢？說來一匹布咁長，呵~

數年前，小弟大學畢業，在機緣巧合既情況下某華資經紀行走黎大學搞 career talk。經過一輪極 hea 既 interview (in左兩個回合，first in 就見統領多間分行既渣 fit 人，second in 就見分行經理) 後正式成為一條經紀，殺入股海。interview內容不需要普通話不需要英文，只係問我抽新股既手續費係幾多 (即係俾政府o個啲)，又問我匯豐咩價，PE係咩..等等....

做股票經紀既基本條件：

中五畢業，中英文合格，考取證監 Paper 1, 7, 8，要做埋期指要考埋 Paper 9。

準股票經紀們必問既問題係客從何來，咁要視乎你做邊間行，做地鋪定樓上鋪，同埋有冇現場客。最理想既情況係有現場客 + 地鋪 + 大行，咁 walk-in 客在市旺時係極多 (好多時係銀行打唔通先轉黎證券行)。最差既情況係只靠自己 Warm Market，起步相當困難。做多幾年，班客既主要來源就黎自現有客戶既 referal。應徵前最好check下間行有冇地鋪。做投資，唔可以 cold call，所以入左間行叫你 cold call 或者洗樓，要叫唔好。

據我所知，新手入行，條件都相當苛刻。做經紀新手得兩條路行，一係有老底，一係冇老底只食佣。老底亦分好幾種，有一種係保證個個月出老底俾你，但佣金收入就封你頂。第二種係頭幾個月(試用期)會保證俾底薪你，過左試用期都照俾老底你，但唔夠數要還錢，假設底薪 $7000，但你生意只做到 $5000，公司會照出 $7000 俾你，但當中既 $2000 係要還，如果你下個月生意有 $9000，咁份糧剛好可以出到 $7000老底俾你同埋還返上個月欠既 $2000。有啲行直頭要做夠某個數先有電腦用，否則要同同事 share

拆佣方面，一般係拆 40%-60%，細行會拆多啲。假設你完成一單交易係 $100,000交易額，佣金係 $100,000 x 0.25%= $250，同公司拆四，即係經紀實收一舊水。如果一日可以做到1球交易額就有$1000，一個月一般有20個交易日，咁一個月就 $20000收入。(如果唔太黑仔，做3-4個月應該會有6-7k收入，半年應該有接近 10k)，客只會愈收愈多，如果肯捱，長遠收入應該唔差 (最緊要係自己興趣)，不過你要預左自己既收入會極波動，高低波幅極大，若然以標準差黎計，呢個係高風險行業。

做經紀一般返星期一至星期五，星期六有時要當值 (通常係新入職既同事)，正常返工時間係朝九晚六，但查實收市覆晒盤做晒野可以走 (07年喪抽新股o個排試過OT)。

每日既主要工作就係炒股，call客買貨，call客沽貨，老一輩經紀就坐定定等電話打黎落盤。據聞會有經紀自己炒股唔接客既電話。

做經紀既進升途徑可以話冇，無論你係新手，副總裁，董事都好，都係虛名黎，其實都只係一個經紀，做自己既生意。

------------------------------------------------------------------------------------
經紀之路 (二) by 寧少﹝轉載﹞

引用自：http://hk.myblog.yahoo.com/ccn_chan/article?mid=16884

做經紀同其他工作都一樣，好大壓力，壓力主要黎自生意同股市。

仲記得第一次想放棄經紀呢份工係岩岩入行約半年度，手上只有十幾廿個客，做左半年當時生意仍然有機會食蛋，大學金融畢業同學們一出道搵過萬並唔難，但自己仲坐o係間證券行日日對住班c9，人工可能講緊只有7-9千。有時由朝早開市坐到收市，指數在跳，但自己既電話響都唔響，勁閔，當時同兩個同事係同一組機頭，同事既電話爆晒線，我就幫手聽，聽呀聽，聽極都係人地既電話，當終於有人打黎搵我...點知原來係報價，仲閔.... 當時諗過放棄，不過一諗諗下其他 senior 既人工唔錯，自己咁後生冇理由捱唔到，同埋最重要係老細仍然不斷俾我 On duty，有walk-in 客都俾我，最後還是重新上路

第二次想放棄係金融海嘯，2007年風光過後，股市見高即沉，今日在低位買進，明天可能已經係高位。由2007年10月開始生意一個月差過一個月，同股市一樣愈跌愈犀利，當時已經有二百多個客，但有時都可以差啲食蛋。仲記得最差o個幾個月仲要經常打風唔駛返工，令我地呢啲多勞多得既經紀生意更差..，睇番班客既倉，蝕到入肉，當時又冇新客收，前景一片絕望。

講到股市既壓力，我諗大家都會感受過，壓力緊係黎自睇錯市啦，冇人係神，冇人知將來發生咩事，總會有蝕錢既時候，當你組成旅行團叫班粉絲客一齊買貨時，中左既話只係得一句多謝，唔中既話有啲客走唔甩，做經紀個心都唔舒服。剛剛有熊客被挾到反肚，唯有心裡同佢講聲 RIP

若然係新入行，與其諗住做 Dealer 先不如直接做經紀，據我所知做 Dealer 人工都只係一般，而且公司應該唔俾個 dealer 俾意見個客，做 dealer 同做馬會投注員大同小異，而且如果係做 Forex 或美股仲要返夜添。

講到經紀好似好難搵食，其實大膽講句，除非你係好 top 既畢業生，否則我覺得捱過頭一年後，你既人工會比其他同學更高。當年，我畢業一年多少少已經買到我人生第一層樓。

係呀，有啲行會每個月在你份糧扣起一筆錢，以防你落錯盤走數，以我間行為例，每月生意要扣MPF之餘仲要扣 10% ，o個10%一般會在農歷年前全數歸還，我地都當o個筆錢係當公司幫你儲起交稅。

股壇傳說BNF的風采

據說，日本 Day Trader B.N.F 由99年 160萬yen (約11萬港元) 開始，炒至09年身家近 200億yen (約14億港元)。

買樓要買向南樓 by Bittermelon﹝轉載﹞

引用自：http://bittermelon2009.blogspot.com/2009/08/blog-post_31.html

時常聽到人家說「買樓要買向南樓」，但從來沒有仔細研究過。自己從少到大都住在向南的單位，只覺得冬暖夏涼，但為什麼呢？

聽說今年年初天文台招聘科學主任，其中一道面試題目就是問「為何買樓要買向南的？」但很多考生都不懂得回答，原來答案是「因為冬天照到太陽暖些，夏天照不到沒那麼熱，答案就這麼簡單！」但我還是不明白，為什麼「冬天會照到太陽暖些，夏天照不到沒那麼熱」？

是否和太陽的位置有關呢？剛上了天文台網站看看，給我找到了香港的太陽位置圖，心中的謎團迎刃而解。

圖片來源：香港天文台

原來香港在冬天的時候，太陽的仰角只有44度，如果窗口向南，陽光能直接進入室內。 我畫了以下這幅圖來說明（圖畫得不太好，而且太陽的角度是沒有按照實際比例畫的，請留意）：

相反，夏天的時候，太陽的仰角有89度，因為有天花做屏障將部份陽光擋住，能進入室內的陽光便會較少。另一幅圖說明：


現在我居住的地方向西南，初時以為西南都是向南呀，應該一樣是冬暖夏涼吧，現在終於知道為何我的住處在夏天那麼熱了。

在香港，除了「買樓要買向南樓」外，「住樓要住向南樓」或者「租樓要租向南樓」真的一點也沒錯。

-------------------------------------------
方潤 提到...
1. 因為香港在北回歸線以南，在夏天正午前後的一段時間，陽光甚至不會照到向南樓。(我住向北樓的，冬冷夏涼這一點很清楚)

其實文中提到的答案還不算是答案的全部。還應該考慮香港盛行風向。
冬天主要吹北風，所以如果是向南樓，冬天不當風就不會那麼冷。夏天主要吹南風，向南就容易當風、比較涼快。
(當然，進一步解釋就是因為風令汗水蒸發帶走潛熱的物理過程，不過我想天文台應該不期望答得那麼長篇大論。)

2. 早知是這樣，我就去報考科學主任了。
(可惜我在大學不是主修物理的……)

2009年08月31日 星期一 下午6:13