男人請女人食飯，女人唔講多謝﹝轉載﹞

引用自：http://www.discuss.com.hk/viewthread.php?tid=22409466

有關請女仔食飯，其實我想講既係..... 

toaster2000 2013-9-7 10:57 PM 

我地男人請你地女人請飯，俾錢，唔一定係想同你地上床架。
唔好覺得我地有咩欠咗你地咁。
講句多謝有幾難呢？細個父母老師無教過你咩？人地對你好，要講多謝。
呢個世界，無野係奉指架。

補充，以上同我個人生活無關，只係代我身邊4個老朋友發言。
不過，女仔睇到以上幾句話而又看不過眼，想同在下討論討論既話，在下無任歡迎。

---------------------------------
不死的魔法師 2013-9-7 11:10 PM

我約過幾個女性朋友食飯。。次次都有講喎。。

---------------------------------
toaster2000  2013-9-7 11:13 PM 

証明佢地有教養
我個幾個friends就唔好彩啦，食飯睇戲直落，一句thank you都無，仲覺得係奉旨。
如果一定要男仔俾哂錢至叫有風度，咁講句多謝又係唔係應有既禮貌呢？

---------------------------------
不死的魔法師 2013-9-7 11:17 PM

咁我約個d女網友又ok既。。真係幾有禮貌。。我自己就無咩所謂。。

但女仔要明白。。男仔既風度。。都要人地尊重。。

---------------------------------
假日新手 2013-9-8 02:15 AM

我好少講“多謝”，最多講“Thanks”或者用文字打出黎。
依家有啲人真係好怪，撞到人唔講不特止，仲要bear住你，但明明係佢撞到人，搞到好似人地阻佢去路而好不滿
曾經識過一個女仔朋友，講到男女朋友相處，佢就爆左句“女朋友緊係要寵哂佢，又要就哂佢嫁啦！”聽完當場呆左！

---------------------------------
melwong 2013-9-8 02:24 PM

哪，話分兩頭，我真係會同工人講唔該
男朋友幫我做野，就算係拎下野，我都一定講唔該
但比錢呢？點都要有人比ga la.......何況我比佢都唔會講多謝（佢都係會怕見外既人）

---------------------------------
toaster2000 2013-9-8 03:14 PM

我都聽過，女朋友係用來 "養" 的。
女朋友如何對男朋友好d？ 用少d佢既錢...

都係嗰句，响你情我願而又經濟能力許可既前提下，男俾錢，女俾錢，或者73 64 55 都好。
當對對方既付出係奉旨既時候，離感情變淡就不遠矣。

---------------------------------
modoho 2013-9-8 03:16 PM

有些男仔你好難請到，因為唔係人人都想受人恩惠。
我唔介意人家唔講多謝，熟既不用客套；唔熟講唔講都冇所謂。或者已經習慣了，好多人都唔care人，唔會講謝謝和抱歉。好似有人撞到我，本應我覺

得會聽到sorry，但是d人完全沒感覺，睇我唔到。邊到可以要求人wo，人連最基本的禮貌都冇了，當自己大晒，我相信天理循環，你會將心比心，謝謝

和sorry就會變成你的自然反應，d人就會感覺到。有些人是冇的，你點樣都是對牛彈琴。
好多人認為，唔講謝謝，是因為不覺受了什麼恩惠；人家沒做錯，都sorry先，會給人看不起。但是那些人才是真正的謙卑。令人尊敬和敬愛。
而我的經驗，講不講多謝都冇所謂，好多人都聽厭，你走去多謝佢地，咪等於要佢地付出。多唔多謝都是那個樣子和工作態度。但我我沒有覺得多謝是

不對的，因為人不可以無禮。有時不用講得太嚴重，冇講是因為唔記得了。做人態度和內心點諗先係重點，多謝太過外表了。

---------------------------------
modoho 2013-9-8 06:24 PM

係囉，過多的多謝和抱歉都有問題。人唔可以一咪多謝，那是自己無用，要人付出；人唔可以一咪抱歉，那是代表行為有不妥了。尤其，一句抱歉，有

幾巴閉，好多東西，過去了於事無補。

唔知le，某些原則要堅持，但是往往人所堅持的，在人的眼中可能係極端。其實，唔係什麼，都無謂講或堅持自己所認為的，太過固執惹人討厭，最後咩多謝和抱歉都冇用。

唔講多謝的，唔代表人品有問題，我贊成睇長久些。有些人唔婆媽，或家庭環境唔好，冇這些家教，都唔係佢地想的。正因自己知道這些，唔係更加應該大方些，試下諒解咩。

---------------------------------
goodnessgirl 2013-9-8 06:59 PM

男仔請我食飯一定講多謝，之後會WHATSAPP補多一次。

有D男仔朋友慣性主動埋單，如果要睇MOVIE OR 直落飲野 我會主動請。 因為我都怕人地覺得我拎著數。

---------------------------------
pjj138222608 2013-9-8 07:08 PM 

樓主，話又分兩頭講，呢個世界無話無緣無故的愛，又無話無緣無故既恨。試問男人專門去洗錢請女人食飯睇戲唱K直落，真系有幾多個會系無意圖想溝佢架。
咁當然，作為女人又唔應該做到好似應份咁。但系今時今日既港女，迷又系俾D男人縱慣左，而抬高哂姿態囉！

---------------------------------
mickey_rat 2013-9-9 02:38 AM

咁你想女仔扮野比返錢你
跟住你話唔洗啦 女再講多謝你
定你埋完單直接講多謝好

---------------------------------
yipyanyan360 2013-9-9 09:34 AM 

就算係男朋友請食飯，我都會講聲多謝。
因為要感恩有個好男人唔介意用佢自己賺返黎既辛苦錢請食飯。

同埋，我覺得女朋友間唔時都要主動請男朋友食飯，一來係一種答謝方法，二來某程度上唔會比男朋友覺得成日使男友錢，女友都有返d自尊感。

---------------------------------
toaster2000 2013-9-9 10:51 AM

唔通少佢一句thank you 會少兩斤肉？nonono
重點只在 老奉 與否。

---------------------------------
siuleiwong90 2013-11-18 08:43 AM

請人既一方都唔好太著重一句半句「多謝」，大量d，畢竟一心要請，就唔好計較咁多

---------------------------------
1心12 2013-11-18 04:13 PM 

你太客氣了。
因果關係，呢班女唔會無端端橫空出世，梗有一班兵造成的。
好無奈香港唔少男人奴性深重，只要觀音略施雨露，便色授魂與，五體投地，不知阿媽是誰，誠為男人之恥也

---------------------------------
real_timothy 2013-12-16 09:46 AM

樓主又有無多謝人地肯幾個鐘同你出街食飯呢？
食餐飯都計呢樣計果樣，我寧願比返自己果份
都唔想睇你個黑面啦
不過個女仔十成唔會再比你約到

---------------------------------
KAKA65231 2014-4-29 12:51 PM

我都係唔慣講多謝既人...(但我出街只會同心儀既人先出。唔係個D,唔好話出街,傾電話都唔會。)我BF由第一次出街已經話，好少錢姐，我比啦。我都冇同佢講多謝。因為講左好見外，(或好假...)仲要大家好尷尬，所以我選擇唔講..佢仲同我講，女仔有權力遲到架，你做咩咁早到？！(其實係佢資整遲到..) 嗯...如果遲半個鍾至9個字我都仲可以接受到既，佢話。 不過每次都係我要等佢，我又唔會刻意為遲而遲囉~我好少請佢，有時食貴野，我會講，好啦.呢餐請我請啦，我出左花紅呀，OR出左....佢會話，好呀，好完之後都係佢爭住比錢...係未開始拍拖時，我知佢鍾意飲某個山卡啦地方既奶茶，個次我早放，佢太忙.冇早放到，我搭左2轉車去買奶茶，再搭2轉車過去搵佢等佢。佢飲住杯奶茶都只係講，好累呀，嗯，有呢杯奶茶飲真係好舒服，超級嘆...好彩佢講既呢D，如果係一句多謝，我真係會超失望...所以唔使一定要咁執著多謝2個字既，一段感情既開始/發展，要睇既係雙方有冇為呢段感情努力囉...