剩女 by 中產男﹝轉載﹞

引用自：http://hk.myblog.yahoo.com/thesecretmt/article?mid=414

良久沒發稿，並非江郎已經才盡，只因年關難過，撲山撲水已夠煩人，肚都未填飽，如何有閒情逸志寫文章？再如此過日子，除非寫BLOG有糧出，要不然得閒搵份PART TIME養老婆好過。

今次的內容，可能人人都知，人人都曉 (其實，可能我每篇文章皆如是)。人寫我寫，只為過下手癮。

剩女最大的問題，並非在於質素。老老實實，中產男認識大量高質單身剩女，縱非傾國傾城，但眉清目秀妸娜多姿儀態萬千小鳥依人高薪厚職見識廣博者，大有人在。可惜的是，要麼情海翻波滿身傷痕，要麼孤身隻影久久未嘗男人香。三字出頭，參加了一個又一個好友的婚禮後，既羨且急。

剩女的問題，在於… 未試過賣魚。

每朝清早，活魚運到，條條足秤隻隻新鮮，放一缸咸水，魚得水，生龍活虎。

"亞姐，條魚幾錢兩？"

"十蚊兩"

"咁貴？你條魚曉飛呀？"

"唔買過主，你睇隔離賣魚勝D魚無喱神氣都賣你五蚊兩啦！"

既有好材料就得要賣個好價錢。 一於泥鯭當紅鮪，紅鮪當石斑，石斑當龍躉。真材實料那怕沒有好買家？

時間漸過魚漸死，眼見旁邊賣魚勝一早收檔返屋企，惟有割價促銷。但奇怪在於龍躉紅鮪價仍然乏人問津。原因在於一餐一把口只食一條魚，即使條魚確實曉飛，亦已經飽肚吃不下。天黑才買魚的人，要嗎就是無錢買魚唯有摸黑外出執死魚，要嗎就是正餐食唔飽落街是但搵料煮宵夜。

賣魚成功不在於賣得好價，而在於把魚在最佳況態時即時出貨。

仲唔明？你有見過魚類批發市場會營業到中午嗎？