點解D男仔成日都追追下唔追？

引用自：http://www.uwants.com/viewthread.php?tid=15259514&extra=&page=1
 
missspn 2012-9-3 11:43 PM
 
近排成日係度諗，究竟係咪自己好有問題？自己唔知？點解成日遇到d男仔都會追追下唔追？
自問的而且確都幾多男仔追緊，但係唔中意果d真係當朋友，絕對唔會收兵。中意一個人會對佢好好，一定會比佢知，唔會好主動但係唔會若即若離咁。
點解而家d男仔成日都溝你一陣就收哂皮咁？我都知自己可能好難比到人安全感，但係追多陣比我show比你睇我都可以乖乖女，究竟有幾難？
有人話過覺得我係娘娘，又有人話覺得自己根本唔係我心上，其實真係好唔開心，講真自己真係唔係港女，自己賺自己使，出街aa制，唔用名牌，個個都係話我nice唔串唔高dou。
真心，如果唔係中意既點解又要追，追到一半又走左去，真係受夠啦!!!

男仔們可唔可以入黎答下我，究竟點解你會追追下個女仔唔追？

---------------------------------
dressinger 2012-9-4 01:04 PM

會唔會係d男仔見你一向多人追,怕自己唔夠人爭,所以放棄?
其實我覺得同時被幾個男仔都幾麻煩
我讀F5時試過自己班&隔離班同時有3個男仔追,果時自以為好威,點知到頭來3個都放棄,因為佢地都怕輸,情願轉移目標,所以大個後就算同時幾個人追,我都只會揀定一個慢慢觀察,唔想將關係複雜化~

---------------------------------
lovinggirl 2012-9-4 01:23 PM

未必關性格事,好多男仔越追越覺得高攀唔起,就會自動縮沙
之前有個矮我1吋嘅男仔想追我,我其實冇抗拒,同佢去過五六次街=

點知有次公司某男同事送我番屋企,俾佢見佢,以為我另有人追,而個男同事係高大型男仔,佢即刻出現自卑感,第二日就send message俾我,話自己係頼蛤蟆,唔想映衰我等等.....

我睇到超嬲,因為矮小小我可以接受,但咁冇自信心嘅男仔就冇可能做人世,所以亦冇回覆或解釋

---------------------------------
992lolo 2012-9-4 01:54 PM

我覺得而家d男仔冇耐性,認為一追就要有結果,稍為用d時間觀察就話拖住佢,想收兵
講真我都試過不下10個男仔追追下我突然冇下文,我又唔mind,有耐性等到我睇清睇楚先同佢一齊,我覺得感情先會更堅定

---------------------------------
skyliner34 2012-9-4 03:20 PM

依家個時代係甘ga la.. 好多男仔追女仔頭一個月當然開衡曬turbo la

但過左一個月淡左，米搵新獵物lor..幾條link 一齊run..再過多一排

另外果件媾到lor..米彩你都有味lor..就係甘簡單。。
況且依家好多人拍拖都係幾個月貨仔。。分分鐘追gei 時間仲長過一齊gei 時間。。樓主你古依家仲係以前咩。。
我以前試過極限追個女仔追左半年。。依家個年代三個月已經好勁ga la..

---------------------------------
~Zola~ 2012-9-4 10:27 PM

樓主, 我追過一個好似你咁既女仔(直覺上覺得你似), 我當時好鐘意佢, 都同佢曖昧左半年. 好開心, 你講既野佢有齊, 我發現自己愈來愈愛佢, 但我同佢只係同事關係, 早, 午, 晚都會whatsapp咁, 咁我開始驚.....諗佢會唔會對其他人都係咁, 因為佢同另外一個男同事都關係好好.......

---------------------------------
missspn 2012-9-4 11:25 PM

真心講啦，基本上我識一個人，第一野有冇feel, 就決定哂佢有冇機會架啦，如果冇feel即時就會friendzone左，所以其他留言講既咩收兵呀

排隊呀對我黎講唔存在，因為果d人我真係唔會理。

答番你個問題，如果我中意果d消失哂，應該唔中意果d都係唔中意。不過呢d野好depends, 試過真係比個本身唔中意既男仔追到，中意左佢，仲一齊左好耐，但係end up都係唔work分左手。

---------------------------------
missspn 2012-9-4 11:35 PM

否，基於職業關係，本身有職業病無論聽到任何話題都會比反應，唔會黑人面，呢個直頭係慣左。由於我知道男仔有時比較唔識講野，所以我開topic絕對多過人，答問題既時候講下d其他野，等可以繼續講落去。重要我中意既野絕對係同到佢傾，我又打機又睇漫畫又小說又玩forum，頂多唔識車同表，都算易傾啦掛

---------------------------------
kenneth412 2012-9-5 12:10 AM

其實你對佢有好感既~講真如果個個男仔真係約左你第二日,例如係星期二但你真係約左朋友既話,咁你不如同d朋友講對唔住,臨時陪唔到佢地,去同個個男仔食飯la~~~如果因為d朋友就無時間同個個男仔食飯既~~
咁可以想像到個男仔係你心中既地位~~~你真係要用下心中既天平去衡量一下.
如果真係fd既,朋友一定會睇量你~~因為佢地都會想你搵到自己鍾意既男仔.

---------------------------------
sohotcc 2012-9-5 12:33 AM

一段關係最美好既時刻就係曖昧既時候,  同時都係最難掌握既關係
因為大家都係估估下既階段, 你太快 show SIGNAL, 對方如果係老手就會拖慢黎打, 因為佢覺得可以食住你, 再睇下自己有冇更好既選擇慢慢揀.

但係你太慢俾 SIGNAL, 大部份男人就會覺得自己冇希望,會縮.
我自己追女就會 set個期限係3個月, 所以俾SIGNAL都要一步一步愈來愈多,例如一開始主動text對方,約出街就留返俾男仔啦,到見左面幾次之後先可以有小小好輕微既身體接觸,我有個女性朋友仲有招flirting sweet得黎又可以令男仔自覺需要搞清楚大家既關係, (你有興趣先pm問我啦 )
BTW, 我之前女朋友都話唔覺得我有點溝佢, 曖曖昧昧就一齊左, 其實無論結果係點,我覺得都應該去享受同人曖昧既時刻, 唔好俾人介意話你收兵, 你只係係你應為可以發展既對象入面去選擇

---------------------------------
天凱 2012-9-5 12:58 AM

其實係咁~
首先講講在下既見解非所有人能接受...
但希望由另一個觀點角度去幫到你~
樓主要先接受一件事
就係放棄"男人該怎樣,女人該怎樣"既想法...
兩個人一齊其實好簡單, 就係睇下一齊大家舒唔舒服, 對方早d知道唔舒服, 唔夾, 又肯定自己改變唔到自己去就你, 咁自動退身係你既福...

送乜送物扮偉大掉銀彈果d咁既花式係人都識做, 但做得幾多次係問題, 銀彈用盡後, 樣樣都要慳, 係呢個時候你唔出聲話"其實我無果d野都唔介意架, 都一樣咁開心架", 對方就真係會認為勝算大減而被迫放棄...

其實最好既係大家都做相同既野, 例如大家都會tum對方呀, 搵對方既興趣去了解一下呀, 你無錢時我就請你, 我無錢時你請番我, 得閒互相接下對方放工...之類, 唔好抱住"對方應該識做乜, 唔識就唔係好情人"既態度相處, 愛情自然就會來到~^^good luck

---------------------------------
Light_Yagami 2012-9-5 10:20 AM

其實拍拖如果相方都鍾意對方點解仲要攪曖昧呢？
如果真心想去追一個人，我覺得重點唔係時間而係你係果段其他做過D咩。
至於岩唔岩自己，我覺得最重要係大家要為對方改變，彼此之間慢慢磨合，唔好太過自我同自私。
時間係可以睇清楚一個人，但係時間亦可以將感覺慢慢沖淡。所以當大家都鍾意對方果時，就應該一齊啦。
當過左果段好有衝勁既時間，之後就會更難開口

---------------------------------
fionnchan 2012-9-5 11:12 AM

依d好講人既觀諗，如果你認定你真係真心就無論幾耐都會堅持。
好似我用左8年時間去追一個人

---------------------------------
chairman 2012-9-5 01:46 PM

原因好簡單
男仔一開始追女仔
不外乎幾個因素
一係外表
一係覺得妳就手
一係真係真心欣賞妳
但會因為欣賞而追求既
相信不到萬分之一
如果妳想知個男仔係因為乜
其實唔要睇佢幾時開始追妳
同追妳幾耐就知道
不過我想同妳講
男仔唔追得妳耐
最大因素係佢發現妳同佢既追求目的不乎
妳慢慢諗下我講乜
妳就會知道答案

---------------------------------
Long-Love 2012-9-5 02:31 PM

"溝"係要有互動
有缺點問題唔大,人人都有,(除左一D非常絕緣的缺點一般都冇問題)
不過你要一個男仔用幾個月時間追,最好你每個星期都有D感情進展,否則你都冇證明你值得,一般情況下咪又係女仔一個...而且現實係周圍唔止你一個女仔在發揮魅力,再加上依家好多國內女仔來港回頭率100%,重要低姿態又主動,其實好難堅持追你三個月,唔係嚇你國內好多有女仔都冇將港女放在眼內,你係中意人就主動D,OR曾加自己吸引力,佢衣加唔追你多數係變節了。

---------------------------------
danielconan1 2012-9-5 03:08 PM
 
HA 雖然我係一個男仔,不過追女仔只係想享受愛情女朋友拖下手,攬下就可以
拍拖時期絕對有愛冇性~雖然唔可以話所有男仔都會堅持
可能樓主遇到既都多數係冇堅持的男仔.但有時都要自己諗下自己會唔會就係因為同太多人去街而令人以為你有男朋友?
我自己就追左一個女仔5年,等左佢五年,就算佢一直都唔鍾意我都冇所謂
只要見佢開心我就好開心~

---------------------------------
遨飛星叢 2012-9-5 03:55 PM

個人感覺: 雙方有好感認為對方適合自己，由whatapps傾電話約會開始計，

我通常一個月，得就得，唔得就算。

兩個月都唔得就會開始懷疑係咪其實無機會。

三個月都未得但仲曖昧嘅 已經覺得你拖緊，即係你講嘅收兵。

本身有女漁翁撒網果啲唔講，好多時未必你性格唔好，有時可能拖得太耐，俾左人一個被選擇嘅感覺，即係個男仔諗你都係揀到無得揀先揀佢，就會好自然咁收自己皮。

---------------------------------
yuensonli999 2012-9-5 04:39 PM

平時睇開post 冇申請ac ... 特登申請ac黎回應=_="
我自己試過追個女仔追左5年又點姐=_=...最後表白完咪又係連朋友都

冇得做
如果真係有心一齊既唔好拖人咁耐啦= =始終 人既耐性係有限...

---------------------------------
Samson0901 2012-9-5 05:14 PM

男人時間都好寶貴，有幾多個三個月呀，有自知之明又好的專一男人，

追到咁上下 ，見你多人追多選擇， 你又無咩表示，追到咁上下好正常

走佬啦，點知要食幾多次檸檬先拍到拖，拍幾多次先結成婚。
追求是認識不清楚對方，相信個個男仔追女仔時都是最好一面示人啦。

所以和追求時間長短無關，是看大家性格的。
多人追的女仔，對追求者行動要快，否則就錯過機會了。

---------------------------------
Samson0901 2012-9-5 05:35 PM

樓主情況挑戰型的男仔適合XD，想想這男仔會是如何！?XD

---------------------------------
Ben~__# 2012-9-5 07:34 PM

其實,而家好多男仔都怕食檸檬.. 所以,一feel 到有d唔對路或者覺得女方好似對其他男仔有好感..就好易會放棄.
因為一黎怕瘀,二黎唔想講到明,大家只係做到朋友咁..
樓主, 如果真係想睇清一個人真心定假意, 可以試下問下佢d問題..睇下佢係咪真係想追你定係只係當你係朋友.

(有講錯..請見諒.thx. 另祝樓主早日上岸~)

---------------------------------
kameiyaukkw 2012-9-5 11:52 PM

追追下,其實係一個了解對方的過程
咁了解到對方唔係自己搵既人
梗係快d收 皮啦, 唔通小埋先走咩
我覺得追追下唔追, 算係21世紀有品男的表現了

我細佬個d, 話之你, 小左先, 當你免費雞
一個星期帶幾條唔同女返屋企玩
遇到呢d男你仲慘啦
你算好彩了

---------------------------------
selina012345678 2012-9-6 12:01 AM

其實個男仔知妳多人追會好易TUN 軚,
個人認為真係唔TUN 個D 又真心個D 好少,,(唔係無, 係真係少, 特別係LEI 個年代)
因為真係喜歡一個人時好多時會諗自己夠唔夠好, 襯唔襯得起人,
而且妳又咁多人追 ( 情況可以假想為校花 ),
好多時真心喜歡當時人 都係默默睇住校花比人追個D 人
同埋妳有時要諗如果( 係如果) 比喜歡妳的男仔見到妳同其他男仔好SOCIALABLE
人地又點知妳GEI 意係點, 衰D 講句, 距可能以為妳對個個人都係咁好
仲有MSG 呢, 追妳個D 可能會暗地裏打聽一下其他男仔有無同妳

frequently talking , going out or whatever, i dont know ~

或者我假設一下
如果妳平時係少同男仔有交流, 只係多人追, 咁個PERIOD 又可以長D
或者當妳有喜歡GEI 人時, 妳適當地減少同其他異性的交流,
比距知道妳大部分時間花係距身上,
當然唔好妳開聲, 除非距真係 一舊木, 妳就真係吹唔賬 ( 可以聯想一下黃蓉同郭靖 XD )

最好唔好同時HOLD 住幾條LINE,,,
不過要載眼識人, 保護自己
好多男仔見妳多人追, 想追到手玩下係咩feel,
SO, 唔好咁快虧抵比人

---------------------------------
missspn 2012-9-6 12:14 AM

今日一日都冇on其實就係同中意果個出左去，其實真係好耐冇搵，琴晚終於的起個心肝借d意問佢野，佢都好prompt咁復，仲約左出去，以我性格，無論收工幾夜都沖出去啦~

好聽話架我今次少左講野（其實係自己窒機講唔到野），靜靜地望住佢講自己野，其實都好開心好似咁樣佢都好開心，不過我真係好緊張，同埋仲有個fd係度~費事啦~

好啦我以後會比多d signal佢，鼓勵下佢架啦!!!

不過就唔會咁直接問佢呢d野啦，嚇死佢呀

---------------------------------
missspn 2012-9-6 12:41 AM

嗯其實得係之前d reply 都講過，對我黎講係冇揀呢樣野，因為我個人係中意就中意，唔中意就唔中意，中意果d自然會出街develop ha，唔中意既係唔會應約。

咁究竟追既人又點呢？一部分係工作上要合作既客或者中介，要扮fd，一d係fd group裡面既人，太絕會面阻阻，一係就係無聊見得一兩d fd ge fd add jor fb果d...

+ 其實好多仔都唔會一野就明刀明槍追你架，但就對你好，搞到其他人覺得佢追緊你，但由於佢冇講過，你又冇得拒絕，好復雜~

所以多人追唔代表我花心囉，而家又唔係我去追好多人！

---------------------------------
missspn 2012-9-6 02:00 AM

其實我真係好想再次講，男仔們唔好咁冇自信心，女仔中唔中意你，唔一定係睇你有冇錢，sweet, caring, arm key, funny 都好重要。

好似我而家中意既，輪條件一定唔係最好，高大靚仔, sweet, funny, 有錢，岩傾過佢既人真係有，但係唔中意就係唔中意架啦。

關於約，我真係驚成日約會嚇親人，所以我既做法都係比位人入，例如好想睇某套戲但係冇人陪呀，收工好想去飲杯野，呢d 。得唔得呀？

---------------------------------
fmazdac 2012-9-6 01:43 PM

既然對方放棄咪算囉...
總好過開始左先有問題


there is always a bright side
is depends how you look at it.

---------------------------------
thkt 2012-9-6 05:43 PM

好簡單一個道理, 追妳都咁難, 留妳仲更加難上加難。

如期沒幸福, 不如盡早離開, 到嘈交既關係, 只會更難忍。

---------------------------------
vccc 2012-9-6 07:06 PM

唔係想物化愛情, 但當長期投資與回報不成正比,
好多人都會及早抽身撤資另擇目標
始終呢個世界唔係得樓主一個女仔
女既青春有限, 男既何常唔係

---------------------------------
萌萌果實 2012-9-6 11:12 PM

睇到咁..我真係覺得自己好幸運

5年前..一個男仔無話追過我咁制..我地就自然一齊坐 (好簡單幾句...你鍾意我呀? 我都鍾意你呀...只係呢幾句)

5年黎,,佢一直只專一我一個...對我好好

5年後既今日..我地巳談婚論嫁 準備結婚 因為我地巳搵到一生既真愛

所以...追人? 計謀?  呢D 咩黎架 我唔明 但我知道真愛永遠都係從簡單而起

---------------------------------
pkplpopk 2012-9-6 11:15 PM

我係男仔,
1)我追追下唔追,因為我有第2個目標
2)因為覺得你完全對我無FEEL
3)小心遲下無女追,又會搵返你

---------------------------------
Samson0901 2012-9-7 12:50 PM

我個人絕對唔會，不在其位不做男朋友事。以前教訓唔會暗喜歡，要明做比女仔知我喜歡佢。唔會拖太耐就會表白。

其實追求中男女互相肯定自己和對方是否like 邁向 love，之於需時幾耐，其實雙方都可調節，最終是令對方信任適合拍拖，並不是用追求時間了解對方整個人，因為我相信男仔在追求中會最好一面示女仔，但夠竟是真自我還是為追求女仔歡心呢？女仔被追開心就好，咁到拍拖相處時又係咪一樣呢？

現在28終於初戀了，我和女友都在追求前後都有很大不同，所以個人覺得追求期，不適合清楚了解整個人，所以可需長時間追求，留時間拍拖重實際。

---------------------------------
出前一丁麻油味 2012-9-7 01:12 PM

有D人立心係漁翁撒網，邊條魚快到手就食邊條，樓主係慢個條所以唔食樓主; 有D係可能樓主誤會; 有D男仔真係遲鈍囉，FEEL唔到你到LUM佢，害羞，怕吃LEMON; 而我自己就係金錢同自卑心作怪

曾經有過兩個女人我都係追追下唔追

第一個係因為有個朋友追緊，係金錢關係下，自己退出，馬後炮講句，當時唔係睇金錢關係份上，我唔退出的話，佢屎都冇得食(請包容我的發洩)

第二個係因為愛佢，想佢過得比較好，無理由搵個人返黎一齊同你挨架嘛，老實D黎講，自卑心作怪，可能是因為我不相信愛情可以飲水飽的人，所以我也假定所有人都不能， 當見到比自己條件更好的人在追求她，已經設定了那個人能提供更幸福的生活給她(至少在物質上)，我跟她曖昧了一個多月吧(互相訴息電話噓寒問暖這段時間密密麻麻) 我也很確定她喜歡我，不過最後也是自己消失了。

希望能解答到樓主的問題，祝樓主幸福

---------------------------------
kinghtofwind 2012-9-7 07:08 PM

你搵到個你覺得條件夠好架炸
其實現在好多男人都怕魚，況且問心個男仔一黎就話好鐘意你都唔太WORK啦。
其實我同你面對既問題都好似，我應該都似係你講果D追一半唔追既，講真我都試過好低能咁表白。。。做好多所謂追女既野。。。但都係唔WORK，最好笑係明明個女仔係鐘意我既，我只係同她講句我地不如一齊啦，都可以變到咩都無。。。試過比人呃左隻手黎拖，好浪漫咁拖手仔行海旁係一個屋嚴下攬住避雨，人一起去旅行，比人呃左上床，係幾個唔同既女仔對我做既，但之後我話一齊，人地就話唔好，你話，現在既男仔仲點敢亂去馬

---------------------------------
PAUL008 2012-9-8 12:21 AM

樓主....本人有覺得有3個可能
1.個男仔有左新目標, 所以唔再追你.
2.覺得你唔鍾意佢,無結果所以唔再追你囉.
3.可能係追女仔的招式,追追下你.唔再追你,,之後等你主動搵返佢..等

你覺得無左佢,,你會好寂寞.之後再同你講如果大家一齊做男女朋友就唔會離開你啦...咁就OK左..

---------------------------------
byeeyb 2012-9-12 03:46 AM

可能你身邊太多男性朋友呀, 所以開始追你既男仔未有察覺, 但追追下就察覺"乜原來你身邊有咁鬼多男仔架", 之後佢地就諗"唉...算吧啦!

輪都輪唔到我啦, 都係唔追了", 可能係咁掛...

---------------------------------
morrell_nwk 2012-9-17 05:25 PM

我都好耐無入過呢個版，無意中見到標題，內容又幾有趣，所以我入左黎睇同決定留言。
其實你唔洗刻意去改變自己，因為個個唔係真正既你問題係在於你應該點表達自己，好似你話你有俾Signal 對方，但你有無諗過 會唔會係你同佢之間對 signal 呢一樣野既定義錯呢?我根據你既說話俾D例子

1） 你話個個身子比較矮的朋友見到你同一個高人威出街，基於佢既自卑感，佢選擇左自行退出，佢發左一段野俾你SMS話自己諗多左。咁我問番你 如果你對佢有興趣既，點解你知道佢誤解左你同個高大威之間好似有D野，你無打算去提示佢 你同個高大威只係普通朋友，解釋下點解會一齊出左街呢？你嬲我明，可能你覺得個男仔無guts，但你要諗下如果你一直以為俾左既signal 係佢眼中根中唔存在，你好難俾到佢信心繼續堅持去追你，因為佢5知你係咪想入兵。
 
2）你話如果無興趣既人，你係唔會俾機會人約你，你又唔會主動SMS，約番對方。咁呢樣野，你肯定對方係知道？你同佢傾起要搵既對象有無暗視過你係會用呢種方法去俾提示對方，變相對方可以跟據你既方法去判斷自己係咪有機會呢?

我係男生，希望我既諗法可以幫到你啦，因為我見大部分留言既朋友，沒舉體例子。