窮男友，富女友？

引用自：http://www.discuss.com.hk/viewthread.php?tid=22874255&extra=&page=1
 
juliechan0123：﹝2014-1-18 11:55 AM﹞
男友係而家大學同學，一齊一年，一直對我好好，但學業比較差，家境麻麻
我好欣賞男友人品，因為佢脾氣真係好好，好細心，都係一個孝順仔佢都算勤力，問過佢都有計劃出梨做邊行 (做唔做到係另一回事)，但現實講以佢而家成績真係有D擔心，自己家境比較富有，
打算大學畢業去英國讀碩士，其實同佢一直關係好融洽，相信大家都唔係玩玩下，有長遠發展的想法，

其實佢都知我家境比較有錢，曾經同佢言談間傾過大家將來(包括事業，生活，etc)，
佢講:"你知你都係有錢，將來一齊住，無理由要你住得比而家差好多架嘛"
又問"你爸媽要求點架?如果好高要求我要努力D"事實上，
爸媽當然想自己個女識個好男仔，又對自己好，識個好男仔第時生活又幸福D，

雖然自己同佢都讀緊書，但年紀話大唔大，話細唔細，畢竟過1-2年就大學畢業，
可能有人話，既然覺得個男朋友家境麻麻，學業麻麻，咁直接分手啦，
係咁現實架啦，又唔係得佢一個男人，但問題係而家男友人品好好，
起碼直到現在佢付出比我多，大家係一年相處平平淡淡但都好開心又無哎交，我都唔忍心傷害佢

1)男友家境唔容許佢海外升學，但我已經有好大決心大學畢業去英國讀碩士，其實兩個人距離咁遠，相處會唔會有問題？
2)另一個問題係"窮男友，富女友"，同埋我學業都好過佢，咁樣會唔會有問題？

其實唔係睇唔起佢家境，佢都唔係真係咁窮，但畢竟都有一段距離，我父母其實都講過，又問過我關於佢，
我一直都好維護佢父母話過多排想見下佢，話睇下佢係點...
我有好多問題，自己好重感情，覺得開展一段關係就要好好咁處理好佢，因為到分手個陣真係會好傷

hoikin_hk：﹝2014-1-20 12:24 PM﹞
見你係隔離版 post 左，我都冇回... 因為覺得你睇五起男友，都係想揾人認同你飛佢，諗五到尼度再見度你，相信你係真心想問.

老實講，我會建議你接受現在尼個男友. 因為真愛難求..

你家底五錯，將來經濟壓力不會太大，點解仲要執著男方家庭事業背景？係要向自己父母交代 ？還是自己覺得男友不配？

能在求學時期識到另一半，其實係幸福，大家同學出生，理論上不會太計較金錢利益，將來做事，老實講真係想揾個朋友都難，五好話男朋友. 世界係殘酷的. 男人由 boy to man，諗野亦越來越複習，越來越仆街.

我五知你讀乜野科，將來前途係點，不過我可以話你知，香港地，如果你五係專業，其實 master 同 degree，分別係不大. 

女人好多時會覺得自己學歷高就係條件好，但男人既眼中只會睇你夠五夠青春夠五夠靚...老實講，有事業，有家底既男人更加只會睇你索五索，佢地其實五係太關心你既家底. 我可以同你講，今日你有得揀，主要係因為你后生，五係你有家底.

我見過好多女人好叻，3X歲，master 畢業，做到主任，但重係單身...好老實講香港地，比你 master 又點，真係揾到好多？我真係五覺佢條件好好.... 亦五會有男人主動揀佢..

我亦見個一個 case，又係女仔，3X歲，買埋樓，屋企都係有D家底，最后都係要嫁返個普通文員仔，冇辦法，當你去到果個位置，原來都係不外如是，最終都係要返回現實，揾返個五係太叻既男人為伴... (其實佢好好彩，起碼我見到個男仔真係老實人)

一個女人，最幸福既事係揾到一個愛自己多過自己愛佢既男人，如果你真係來自基層，為 2 餐愁，我反而鼓勵你離開個男人，出去博一博，貧賤夫妻百事哀，愛情都要麵包，但你五係，你有得揀...

打左咁多野，希望比到意見你....當然，你可以五信，只要對自己將來選擇冇后悔就得...

juliechan0123：﹝2014-1-20 07:31 PM﹞
本人讀法律，佢讀會計，最後，多謝你嘅意見，你真有心

智無雙：﹝2014-5-21 05:32 PM﹞
太現實，太假，幾愛都冇用，冇錢就係死病症。