單身女仔嘅心聲﹝轉載﹞

引用自：http://www.discuss.com.hk/viewthread.php?tid=14317616&extra=&page=1
 
crystallai 2011-4-25 03:55 PM

3個月前我都係單身女子一名 (單身OVER 5YR),
過緊30歲前的最後一個月...

可能好多人會諗, 我個樣應該好扒或好自閉...
SORRY, 我生活圈子都幾闊 & 我一直都有唔少人追,
(因為個樣平均比實際年齡細5~7年, 性格開朗外向同鐘意笑, 識 "合適打扮")
朋友 / 同事成日都話我"要求高",
當然對佢地講就話要有車有樓有乜有物...
但熟我0既朋友就知我想搵個性格"夾"的人,
我好怕同一個人要 "努力" 遷就對方, 好辛苦

當然, 有時都諗, 某個追我的人條件唔錯 (即係有車有樓有乜有物),
"頂住檔" 啦...
不過, 最後都係堅持同唔想煩 (我好怕要"應酬"男朋友+其屋企人)...
都係做返好朋友好D...

後來, 遇到佢, 同佢真係好夾好開心, 好快就一齊...
其實我問過佢, 如果我當時有男朋友, 會唔會追我? 佢話唔會~~
而我當時亦因為知道佢單身,
所以先咁快接受佢同"開門" 比佢追我~~
正因為大家都係寧缺勿濫的人 (佢當時都有囡囡追緊佢架!)
所以係埋一齊完全無難度同得到好多人的祝福...
同迫婚...係呀, 我同佢開始唔夠1星期已經有人問我地"幾時結婚"...
(唔止屋企人, 仲有好多朋友都同我地"迫婚",
因為我同佢人緣極好, 佢地都知我地單身好耐又過30歲,
迫到甚至乎話明要做我地兄弟姊妹=口=)

成日有人話TIMING問題...
可能都係 "寧濫勿缺" 的心態而引致,
情況好少少就係 "拍緊拖", 差DD就係"搞緊結婚" 或者 "結咗婚"
最差就係 "生埋仔/囡"...
總之呢...唔好為拍拖而拍拖, 唔好為結婚而結婚, 唔好為生仔而生仔...

希望大家早日搵到個位同你有緣的另一伴啦~~

--------------------------------------
請問兩位在哪種場合相遇?

crystallai 2011-4-25 11:43 PM

係朋友的WEDDING (佢做兄弟我做姊妹)識
之後對新人搞下飯局, FACEBOOK ADD下我CHAT下SMS下(因我唔用MSN好耐)
然後私下約會食下飯...有日我病病地佢過來接我收工就開始囉

其實個次我未至於病到暈,
加上我有少少男仔頭性格,
自己一人返屋企都無問題~
不過明比位佢入 ~~

其實我都有上網識朋友
唔一定去交友版, 好多版都有吹水帖, 個度可以識到興趣差唔多的朋友
其實EVEN佢地有晒另一半結晒婚都好,
都出嚟聚下, 多D同人相處,
咁同人溝通自然D唔會咁怕羞啦~~
甚至乎有D姐姐哥哥當你妹妹咁幫你,
有好仔仔就REF你去識~~

平時就要多注重外表,
唔一定要靚, 但點都要順眼同清潔, 唔好令人反感
(EG滿面豆豆頭髮油油, 又或者太濃粧),
仲要唔好有體臭OR太濃香水,
肥反而唔係問題, 我同我某D朋友都係個D小肥至大肥的人,
但都好多人追~~(男性朋友同男友都話男人眼中的"靚女"同女人眼中的"靚女" 係有分別)
佢地望你順眼, 男士先會有"下一步"的意圖~

當然, 之後就睇你內涵同修養+學識...
大家加油呀~~

--------------------------------------
binlee 2011-4-26 10:57 AM

我之前都單身了3-4年, 因為我成日掛住係網上打機, 但係咁又比我係網上打機識到我而家既男朋友@@仲要快年半囉~而且仲對我好好添唷...問題黎喇...我本來都肥肥地唔係瘦同左佢一齊1年到就肥左20磅佢都冇嫌棄我>_< 感動(但我自己嫌棄自己咁肥..要好努力咁減先得)
我都支持唔好為拍拖而拍拖...

--------------------------------------
利蜜棗 2011-4-26 03:20 PM

30幾歲男，一次都未拍過。

曾經試過改變自己去open咁識人，係就係識到人 (包括女)，不過漸漸覺得果個人愈來愈唔似自己，於是慢慢打回原狀。

而家化晒，有嘅當bonus，無嘅我覺得正常不過，由佢…

記著一樣野，即使你條件唔錯正正常常待人接物ok，亦唔代表會有另一半，反之亦然。

讀書工作都話可以靠努力黎gain到dd成就，但感情呢d野同條件努力等等都未必作正比，我信某部份(正常)人桃花係較差的。

--------------------------------------
sharonmanchi 2011-4-27 12:09 PM

唔好氣餒....我一直都係一個肥妹仔
都等左廿幾年, 先搵到而家呢個男朋友, 係識欣賞自己
所以唔好覺得所有野都係自己問題, 係緣份未到咋....

--------------------------------------
~eeeee~ 2011-5-25 03:58 PM

我係女...已到中女年齡
同過一樣長期冇拍拖既女仔朋友傾開
其實都有個共通點
就係好怕付出, 好怕受傷害, 因為年紀唔係18, 22, 好怕付出左到最後又傷心, 覺得自己唔可以承受, 所以其實怕左愛情...
會覺得算啦, 自己一個人, 對自己好d, 堅強咁繼續獨身落去算

唔知有冇sis都係咁諗？
到左呢個心態係唔係已經冇得救？

--------------------------------------
rainy_sun 2011-6-11 09:42 PM

單身，可以是一種選擇。
我係男，識一位女性，好有吸引力，好多男仔喜歡佢，佢除咗外表有女人味個樣身材唔錯，性格都好吸引，有主見豪爽又不失體貼溫柔善解人意，我有極好的女朋友，如果唔係都會追佢，我幾個朋友都追過佢，同是碰釘子。。。
佢依家都係單身冇固定男友，男仔約佢食飯得閒都會去，我女朋友問佢係咪ｌｅｓ，佢話唔係，只係唔信愛情更唔信婚姻，冇打算結婚。。。

--------------------------------------
少女真 2011-6-15 01:24 PM

我年紀唔少 ,由10幾拍拖到而家,拍過n次拖
我可以比少少 意見樓主 ,
冇拖拍是 真的是 個人問題
例如,講野太直,處處逼人,唔溫柔,太強勢,同人鬥醒
暗示人地追自己能力唔強,樓主好明顯對於人際關係唔係太上手

太煩<--- br="" d="">
另外 男性對戀愛拍拖的睇法同女性唔同的
男人拍拖結婚 真是為了 sex,同埋滿足佢大男人的心態同埋要人祟拜佢 總次滿足佢雄性的慾望LA  內地女人就是深明此道咪馬住D港男囉

--------------------------------------
hoikin_hk 2011-6-16 07:16 AM

很少見到樓主尼種 post. 作為男人, 可以比少少意見樓主.
其實你要知道世上每一樣野, 包括事業, 愛情, 都五係 take it for granted. 愛情同事業一樣, 係要付出去換返來既.. 只係女人一般不易察覺這點, 直至自己年紀大. 

可以同你講, 係愛情尼個遊戲, 男人係比女人識玩, 亦係比女人著數. 原因係愛情主動權係基本上由女方慢慢隨年紀成長轉為男方. 年青既女人后生, 本錢高, 相反年青男方經濟力差, bargain power 少, 但情況會隨年紀而變得相反. 女方係愛情路上係先甜後苦, 而男方則係先苦后甜. 亦因為男方係先苦后甜, 佢地會隨著戀愛失敗去成長, 亦會較容易知道自己係想要乜野, 遇到自己想要既野會懂得取捨. 相反, 由於女方 bargain power 反而係隨年紀下降, 以前只會係我揀你, 從無諗過係你揀我, 年紀大了但擇偶條件卻容易停留係以前既準則去揀, 當然容易單身.

其次, 你要知道世上無完美, 你要得到一樣野, 就要接受另一樣野. 你要問你自己想要乜野, 其他底線就要放底. (比如, 你要樣好, 你就要遇左尼個人可能會花心, 可能大駛, 你要專一, 你要預左佢可能比較樣差, 不修偏幅等. 同樣, 尼樣野男人亦會比較清楚遊戲玩法, 比如有港男揀大陸女仔, 就係係大陸女仔既樣貌同文化差異, 經濟差之間作出取捨.

第三, 尼點係對香港女性好五公平, 就係港男的確係多左選擇, 尤其是係 70后既一代, 尼代人既成長時間內地並未完全起飛, 佢地係好容易結識國內女仔, 亦係好容易到手 (人仔都係最近幾年先咁高), 有好多男仔可能係戀愛改程中改變左自己原有既 first choice 而轉追國內女仔, 而相反 70 后既女性係佢地后生時係完全估計五到將來既競爭係咁大, 並無運用自己既主動權. 所以到現在相對上男人係買少見少.

所以如果樓主係想脫離單身, 你要認清楚你首要條件係乜, 放低其他次要條件限制, 遇到對像要主動 D. 同時係適當時候要扮蠢. 相信仲來得切.

--------------------------------------
少女真 2011-6-16 02:50 PM

對,因為男性比女性理智,

樓主 ,你要了解異性,你得付出代價的  ,因為身邊的男性很懂掩飾,好爸爸,好男友,好上司,就算討厭他人,都重可以同人辦 friend


我都唔了解,亦唔想了解,只是一d經驗, 所謂女人眼中的好男人都只是一個角色而已 ,每個人性格唔同,阿爸話齋 ,有x器官 就是男人 

好色,要人讚,奉承,附和 , 相信(就算d戲好假,講大話),有d事看起來很好就好 ,就算道理在你那邊,你咬嬴男友都唔表嬴 ,
你要男人動彈不得,就要對佢好到變成廢人 ,

點解有d女仔感情運唔好 ,來去都是犯同一毛病,講野太白,講野快聲音大 唔退讓,有道理在手就死都要咬野你 ,我是女仔所以你要讓我 ...etc..

知易難行,個老公成講大話 ,老婆忍一次忍唔到n次 ,咁咪分開囉

--------------------------------------
hoikin_hk 2011-6-16 04:22 PM

果然係高手！睇離你經驗不淺。無錯，男人同女人初拍拖時，佢表面係對你好好，但其實內裏係有份計分表。交往中途係五會話比你知你有幾多分，甚至已到危險情度表面都係好好，但暗地已想離開。所以當個男人變或走時女方會覺得好特然，最慘係個男人走左都五會話比你知你問題係邊度。但其實計分表不外乎樣，性格，合拍性，最后才是你的才華。此外，女人強勢一般反而比較輸蝕，因為一般男人五會喜歡比女人 lead。所以同男人相處時適當扮豬，讚下男人係上策。

記住，結婚前同結婚后男人係 2 回事，因為男人係理性既，結婚前男人要分手係可以好绝，但結婚后要想分手就會考慮多 D因素，如果有下一代佢諗既野又會多 D。所以拍拖越耐其實對女仔係越輸 (我知有好多 sister 五同意，但我睇法係咁)

要了解男人皮性，多D同小男孩接捉，細老仔係男人既 precurser, 佢地會比較真，但會比到你五少實戰經驗，而且五會有壓力。

我五同意等緣份，雖然有D人係好彩等到緣份，但改變自己心理質素才是上策，否則緣份到左都會白白浪費。

--------------------------------------
tony8964 2011-8-4 11:49 AM

我諗主因係本地社會個Norm係瘦同大眼就靚女~
我有個friend肥+大隻+3角眼+插蘇鼻，local office完全冇人吼，
但一去到德國出trip就得到當地男士上賓級禮待，仲搵埋個德國人結婚遲d落地生根tim，相反我呢d local 謂之average size girl，佢地覺得我身體唔好，係abnormal囉~

--------------------------------------
qq422535409 2011-10-2 01:31 AM

其實好簡單，最直接貼張相出黎。因為人 第一眼都喺睇樣先 樣都唔岩 邊有的傾。（真心話） 至少自己接受到。
由於單身太耐 個樣ok  之後就喺睇性格 傾計內容方面。 之後就喺約出黎。
好多時都喺衰樣先.... 第二 可以太積極。嚇到人

但自己親身經歷。因為我都單身幾年 真喺好悶 朋友唔多。有女陪女 邊得閑陪你
我試過上網識女仔 連相都未睇過 都可以傾成個月。因為對方都喺唔俾我睇相 久而久之新鮮感冇曬 自己都冇在腥啦。 感覺個女仔應該唔差 可能因為距唔想因為個樣而 揾距傾計掛。
之後果d相同真人差太遠啦
上網 對方對你有冇意思 或者同你做朋友 真喺感覺到 睇相先。

--------------------------------------
ckman9285 2011-10-9 02:08 PM

真係忍唔住要回應一下，
好多女仔都話自己要求唔高，唔使好有錢唔使好靚仔

但要求唔只呢兩樣架，
環境好似有好多困難(e.g. 異地戀、姊弟戀) --> 放棄
突然有一刻覺得自己未必真係中意佢 --> 放棄
同你有多少少身體接觸，擔心人地係狗公 --> 放棄
身邊有好多女仔朋友，擔心人地花心 --> 放棄
你中意既野佢唔中意，覺得志趣唔相投 --> 放棄

諸如此類的原因，多不勝數....
唔夠膽去嘗試，思前想後，左一個擔心右一個害怕，呢個先係致命傷呀﹗

其實一開初當識個朋友，就算唔係好中意，都可以去DATE下架~
唔使一開始就諗到要結婚生仔做人世.... 想知自己係咪呢類人，好簡單~
諗下究竟一直以來有幾多人approach個自己，如果10個都無一個得，咁就好好思考一下啦~


你可以唔認同，但我呢D全部都係真心話，因為我以前都係一個咁既女仔，
總係覺得無理由要改變自己，OR委屈自己去讓步，真係唔中意既點解要compromise....
但慢慢先發現感覺既野有時會隨住相處而改變，打開自己並唔係妥協，一開始就落哂閘其實先至會沒殺哂自己的機會﹗

--------------------------------------
奇毒 2012-2-24 08:19 PM

每個人單身都有自己既原因, 我都好長一段時間單身,
但我覺得我單身係完全合理既, 俗D講係自己攞黎, 係低死既, 亦唔需要去安慰自己

因為市場既結果係永遠唔會錯既
如果真係唔想單身既人, 自然會積極搵方法去解決
圈子細並唔係一個藉口, 更加唔係一個原因,
宜家想識人既途徑極多, 問題只係你肯唔肯去行呢一步

而一個單身既人, 既然選擇左"寧缺勿濫", 呢個就係你自己既選擇, 咁"缺"就好合理啦
你自己要企硬, 唔去迎合任何人, 咁D人自然唔會埋你身, 咁呢個都係你自己既選擇
要完全合你要求既人你先會接受, 但係咪有呢個人？有呢個人佢又會唔會選擇你？
所以根本你既現況就係你自己揀既, 但你另一方面又妒忌其他人, 自己內心好矛盾
好似我呢完全無行動安於現狀既人, 單身既情況自然唔會自己無端端改變, 既然自己選擇左, 就忍命.......