無謂搞局啦

按：黑人兄呢幾句啱聽：
「自問不是條件好，遇到條件好的單身女仔都唔敢出手。
以前會要求個女仔點點點，宜家第一個反應係，一齊左，我可以俾d乜俾佢？
答案通常係：無喎師兄...
為免耽誤對方的時間，無謂搞局啦。」

以前倉務佬 too simple，very naïve. 後來還是懂得「有錢使得鬼推磨」的永恒真理。收入低，別花時間在條件好的女仔身上，害人害己。我的理解或者跟黑人兄有出入。我的最新理解，所謂條件好的男仔/女仔，主要看收入/財產就成了，其他性格、興趣、甚麼的，都不是核心。男士的主要自信來自其收入，因為世上人都係看錢至上。一個沒錢的男人，不管如何自信，其他人都看不起的，冷言冷語。有錢不同，你的一切缺點都會被包容的。

可能你會覺得倉務佬膚淺，現實。但現實如果是膚淺的，我不會假裝高深的。我是一個投機者，投機的第一步就是要看清事實的真相和煙幕，專重和接受事實，對事實不作價值判斷，即使是何等醜陋。

----------------------------------------------------------------------------------
佳節過後雜文 by 黑人﹝轉載﹞
引用自：http://tkma.blogspot.com/2009/01/blog-post_1465.html

跟知己吹水，友感觸：「成班準中女一個二個話無好男人，介紹d好仔俾佢地又唔識貨，唉！」

「果幾件仔又係，出到來啞晒開口又食羅絲。反而對住d唔想追既女仔佢地又無事喎，想點？」

********

查實有時我都唔知d男仔想點：

對住條件好的女仔唔敢追 (人工高，工時短，興趣多元，內外俱宜，樣靚性格好)

對住d有些少傲氣或硬淨的女仔一樣唔敢追

對住條件一般或有缺陷的，就思前想後嫌三嫌四

俾人問起就答自己要求好簡單，可以互相溝通到就得，執起上又係另一回事

見識淺(或窄)，內向，唔講自己玩開果隻舊game就無話題，旅游行山全部耍手擰頭，怕新野，怕辛苦，朋友在飯局拿住個iphone 上facebook 話呢張去某band show時影的，果張相去旅行拍的，完全搭唔上嘴

因為搭唔上嘴，越來越怕呢類應酬，生活越來越悶，惡性循環

無話影射邊個，有以上問題請對號入座，黑人自己都中唔少

********

自問不是條件好，遇到條件好的單身女仔都唔敢出手。

以前會要求個女仔點點點，宜家第一個反應係，一齊左，我可以俾d乜俾佢？

答案通常係：無喎師兄...

為免耽誤對方的時間，無謂搞局啦。

條件不好，有些是不能改的，有些可以改。這幾年，集中處理可以改的部份，改完就算依然無女友，至少已是個better man。

之不過，眼見和聽聞的男女種種實在太煩：劣種男女跟優生男女錯配常有，供求失衡更不絕於耳，聽完只好嘆息。

太煩了，都係專心畫公仔算q數，一月底又有comic world，點死！