你喜歡勞x士嗎？by AUDI計數佬﹝轉載﹞

引用自：http://www.menwhenmiddle.com/2009/05/x.html

有人曾經同我講跟我講野的確容易及舒服，讚我是一個沒有架子的人。

聽完人讚當然開心啦。

當然，唔係話我既說話可以幫到佢解決甚麼問題，而係不論你身份如何，社會地位如何，賺錢能力又如何，我都會以對等的情況下跟對方談話。簡單d講：凡事先用人家角度去理解，而不自大，亦不自卑地去跟人溝通。

上次曾經說我會跟自己以前「逼科」舊同事講名手錶「勞力」事，但我絕對不會對一個舊中學同學，知他月入萬多元的他講名錶事。道理相信大家都明白，唔駛多講。但除此之外，我從來都唔會問這位舊中學同學：「你會喜歡邊隻牌子的錶？」「你會喜歡勞x士嗎？」「你會戴錶出街嗎？」

即是說，我唔會跟朋友討論一些佢現在跟本沒有能力做到/得到既事，亦唔會討論一些事令自己有機會晒命既事情，除非佢自己主動要跟你討論，主動跟你研究。

一般人問我做咩職位，我最多只會話係做經理；當然如果有個上市公司既CEO問我做咩職位，我當然要報實情話自己係「高級管數人」。

一般人問我開咩車，我會話係一般四人房車；當然，若果係同背景既朋友問，跟他說係audi又如何！如果一個有錢佬問既，話佢知係audi之餘又再話邊有你開波子咁正啦。

好多時一句說話，一句問題，會使不同既對方有不同既感受；亦因為不同既感受令對方有對你不同的感覺。

你係唔係一個受歡迎既人，某程度上睇下你點同人溝通。