北泰清盤 by 會計仔﹝轉載﹞

按：教訓如下：
1. 先看現金，存款和往來銀行是否合理。
2. 看衍生工具的彼露，越詳細的彼露越反映核數師的擔憂。
3. 要看清楚Other Income，因為容易做假。
-----------------------------------------------------------------------------------

引用自：http://accountboyhk.mysinablog.com/index.php?op=ViewArticle&articleId=1569062

做汽車零件的北泰(2339)，宣佈炒賣外匯衍生公具輸大錢，被人為3億申請清盤，以北泰的中報坐擁26億現金和13億銀行貸款計，沒理由還不起區區3億，不禁付人懷疑核數司中瑞岳華有冇「放飛機」。

北泰這公司有聽過，但之前沒詳細研究過。之前粗略地知是做汽車零年，主要賣北美，一見美國二字便倒胃口，再看MD&A，之前人仔狂升，間公司居然話應對方法是提價2%! 大佬，2%肯定cover 唔到exchange loss，結果睇了15分鐘便沒看。現在即管事後孔明，看看有什麼經驗可以吸取。

http://www.hkexnews.hk/listedco/listconews/sehk/20080707/LTN20080707218_C.pdf

2008年3月的經審核年報中的現金有27億，銀行借款有15億，08年9月的未經審核中報有現金27億和借款13億。值得留意的是年報提到「逾90%的現金及銀行結餘以人民幣為主」，為何主要往來銀行的一段會是如此:

主要往來銀行 : 三菱東京UFJ銀行，香港上海匯豐銀行有限公司，恆生銀行有限公司，星展銀行（香港）有限公司，意大利聯合信貸銀行－香港分行，比利時聯合銀行，Intesa Sanpaolo S.p.A，華僑銀行，永亨銀行，華夏銀行，交通銀行，印度國家銀行，德國商業銀行。

對唔往，點解我見唔到國內四大行或招交等的名字? 你唔好同我講係用匯豐恆生做內地既主要往來銀行。我亂咁估，所謂既cash，係hold 在個人(董事)手上，依d 係due from directors，佢求期簽份custody agreement 就係當係cash 既supporting，auditor 係依個位鬆左章。理論上，依d 係due from directors，係上市條例所不容許的，宜家筆錢真係唔知仲係唔係道。

另一個值我留意既，係09年1月16日份公告:
「自2008年7月 / 8月開始，本集團曾與數間銀行簽定五張不交收遠期外匯合約(「遠期合約」)。該遠期合約基本為一年期限並於2009年7月 / 8月到期，分別參照澳元兌日元及紐西蘭元兌日元之間若干預先設定的滙率，而計算盈利或虧損，並以日元每兩星期交收一次。在本集團從遠期合約達到合約中規定的最大盈利，該等遠期合約將會自動終止。但該等合約並沒有就虧損方向設定相似的終止機制。」這數家做forex accumulator 既金融老千好有可能就是三菱東京、匯豐、恆生入面其中一間或幾間。記不記得有間公司叫鴻興(450)，賭輸衍生公具成間公司比人食左，果間鴻興年報中只有3間往來銀行，又係三菱東京、匯豐、恆生依3寶。以後其他公司如果見到資產負債表有衍生公具，又係依3寶的話，各位就真係要自求多福。當然這3寶當中的真兇的非利息收入也要自求多福。
.
這個衍生公具風險，Auditor 又真係無放到。這份年報所作的披露簡直係長到嚇死你。

Note 3. 主要會計政策該等財務報表乃根據歷史成本常規法編製，惟重估衍生金融工具時按公平值列賬時予以調整。...... 涉及關鍵判斷的領域以及假設及估計對該等財務報表而言屬重大的領域，均於財務報表附註4內披露。
.
Note 4. 不確定估計的主要根據
下文詳述有關未來的主要假設及於結算日的其他主要不確定估計來源，而該等假設及不確定估計存在導致下一財政年度的資產及負債賬面值須作出重大調整的重大風險。
.
(d) 衍生金融工具的公平值
並無在活躍市場買賣的衍生金融工具（如場外衍生工具）的公平值利用估值技術釐定。本集團利用多種方法（如貼現現金流量方法、按市價計值法及二項式模式），並根據於結算日所報的遠期匯率及於每個結算日的市場情況作出假設。該等假設的任何變動將對衍生工具的公平值估計造成重大影響。
.
5. 財務風險管理
本集團的業務使其面臨各種財務風險：外幣風險、信貸風險、流動資金風險及利率風險。本集團的整體風險管理
計劃專注於金融市場的難以預測性，並尋求將本集團財務表現的潛在不利影響減至最低。
.
(a) 外幣風險
本集團承受外幣風險，...... 敏感度分析......
.
Note 24.衍生金融工具（續）
衍生金融工具的主要條款如下：（續）
名義金額到期已訂約匯率
1份合約購買2,000,000新西蘭元一年以內77.39日元／1新西蘭元
25張合約，每份合約購買1,000,000新西蘭元一年以內70.4日元／1新西蘭元
　或2,000,000新西蘭元（附註）........

.
我真係未見過咁大段野放係Note 5咁高，仲有5大版，通常都係放係d 好唔覺眼既位置，Note 24 真係一份份列出黎，又3大版，可見Auditor 出果時應該係好驚好擔心的。值得留意的是，好多所謂敏感度分析，都係講隻外幣如果升跌5%會點，升得多未必會成正比，宜家Yen 對 NZD升左係 60%! 基本上好多銀行佬基金佬就係靠依個數估maximum exposure，咁就死哂。仲有，基本上份年報咁鬼多被寫衍生工具，即係Auditor 千方百計向你講依間公司既衍生工具好risky, 份未audited 既中報居然一段仔衍生工具既note 都未有，差唔多可以肯定間公司係有野想隱瞞。
.
其實，冇咩必要都真係最好唔好掂歐美出口股，profit margin - other income 少於8% 果d 更加唔好掂，other income 入面太多古靈精怪。This is China! Dirty stories everywhere! 依句係經常同我老細提起的說話。越低profit margin %的行業，越多欺騙事件發生(經典例子係三鹿既18蚊奶粉)，或者要用take 更多風險(accumulator!) 去對沖currency risk。生意淡薄，不如賭博，現在出口最差是什麼行業? 電子電腦(Sony，Sharp，Samsung，Lenovo!) 玩具 (中國已有一半玩具廠倒閉) 成衣 (唔該你出街行個轉，出面既鋪頭做緊幾多折，仲有冇碼，香港已經如此，歐美會如何? 再唔係睇多隻) 紅藍紫籌又如何，咪又係一隻又一隻的盈警，一隻又一隻的大幅扁利倒退。今時今日我只係信阿爺、和阿爺真金白銀明益的公司和行業，真係鍾意買出口股既，又係果句，自求多福。